వేల్పూరులో రాజయోగ ఓం శాంతి కేంద్రం ప్రారంభం..

తణుకు మండలం వేల్పూరు గ్రామంలో రాజయోగ ఓం శాంతి కేంద్రం (ఓం శాంతి భవనం)ను ఎమ్మెల్యే ఆరిమిల్లి రాధాకృష్ణ ప్రారంభించారు. ఈ సందర్భంగా ఆయన మాట్లాడుతూ ఒత్తిడి, మానసిక ఆందోళనలను తగ్గించేందుకు ధ్యానం ఎంతో అవసరమని తెలిపారు. ఈ కేంద్రం ద్వారా ప్రజలకు ఆధ్యాత్మిక సాధనకు అవకాశం కలుగుతుందని చెప్పారు. గ్రామంలో సంస్కృతి, సంప్రదాయాలను కాపాడేందుకు ఇలాంటి కార్యక్రమాలు మరింతగా నిర్వహించాలని సూచించారు. వేల్పూరు భక్తి వాతావరణం పరిసర గ్రామాలకు ఆదర్శంగా నిలవాలని ఆకాంక్షించారు. కార్యక్రమంలో నిర్వాహకులు, భక్తులు, నాయకులు పాల్గొన్నారు.